2010年3月18日
函館的早晨
酒店早餐, 不過晨早都食唔到太多野, 只可盡量樣樣都試d
溫泉蛋^^
食完早餐上房執野, 窗外又落起了雪
今日的第一個景點是函館朝市。早上的朝市果然很熱鬧, 有很多人, 也有很多海鮮! 老闆見我們對這些蟹很有興趣, 就把牠們放在地上爬, 以顯示其新鮮及大隻! 這是長腳蟹, 牠們的腳果然很長:)
呢隻蟹要幾百蚊港紙先食到.....
好多海產啊, 好吸引!
燒帶子, 好鮮甜啊! 500yen兩隻, 為返都要HK$20幾蚊一隻, 日本架物價真係好貴啊>.<
黑色果邊唔係芝麻雪糕, 而係墨魚汁雪糕, 不過都唔係好濃味。白色的是牛奶雪糕, 好好味!
D蟹腳長到, 連發泡膠箱都裝唔落佢地。
呢D唔知係味三文魚乾呢, 我試食左一件, 好硬, 有D腥。在這裡很多東西都可以試食, 而且D人好大方, 試食架野都係大大件架。試蟹, 係原隻蟹腳俾你食架! 我都食左一隻蟹腳, 好鮮甜, 正!
雖然食完早餐都有D飽, 仍然難以抗拒大大隻的帶子, 要咬幾啖先食得完一隻。1000yen 6隻。
老闆娘仲好好人, 免費整埋俾我地食! 你睇下佢整得幾細心!
帶子刺身。在其他地方都唔敢食刺身, 在北海道可以好放心地食! 好味到難以形容!
兩隻做左刺身, 其餘四隻老闆娘幫我地燒完再焗, 真係好花功夫。好食到不得了, 老闆娘好人到不得了, 0甘架服務, 去邊度搵啊?!
沒有留言:
張貼留言