北海道 東京14日開心之旅 (day 4-小樽漫遊)

2010年3月20日

從酒店的窗口看見這座美麗的建築物, 出發去小樽之前就來看看。這是北海道舊市政廳。

在建築物的附邊還有湖泊呢, 有很多水鳥, 剛巧遇見有人餵鳥。

搭火車前往小樽, 車程大概半個鐘。

在車上飲的, 是北海道純正牛奶, 一飲愛上。因為室外天氣很冷, 所以裝著牛奶在外飲一天都不會變壞!

小樽JR站

三角市場是有名的海鮮市場, 我們慕名而來搵食!

好多海鮮啊!

這就是我們的早午餐(酒店不包早餐), 4000YEN, 三百幾蚊港紙, 原隻長腳蟹。老闆娘好好人, 幫我地蒸埋, 仲教我地點用鉸剪剪開D蟹壳。食完一隻蟹, 已經飽晒!

食完野, 外面已經落緊雨。在雨中漫遊小樽運河, 但我們現在想它落雪多D, 因為落雪唔駛擔遮, 又唔會濕身, 無0甘麻煩! 雨中漫步, 一D都唔浪漫...

原來小樽運河很短的, 就只是相中見到的一段而已...

去了出拔小路搵野食, 這時雨下得更大了, 好彩有件防水外套可以擋一擋, 否則已全身濕透>.<

像拳頭一樣大的墨魚丸, 我們在雨中等了半個鐘先有得食, 不過佢個心好似未熟0甘, 好軟...可能軟心墨魚丸係佢地架STYLE? 這粒野價值 380YEN

去左D硝子館看玻璃製品, 好靚, 不過都唔係我地杯茶, 欣賞下算了。整個小樽最出名的應該是硝子了吧? 看多了也覺得悶...

很多店內都有聖誕擺設出售, 彷彿聖誕節還沒有過去, 仍洋溢著聖誕氣氛。

見到雪印, 就入左去買左呢杯價值700YEN (近HK$60)的拖肥雪糕...買佢, 只是因為我誤以為它是蜜瓜味...友人最討厭拖肥, 就由我一個人把它吃掉...其實我也不愛拖肥...錢花了, 卻食得不開心...

壽司通兩邊全是壽司店, 但價錢都比較貴, 而我們一心想回去三角市場食魚生飯, 就沒有在此食壽司。

回到三角市場, 點知D店都已關了門, 魚生飯無望了...現時亦不過是下午五點鐘!

無野食, 唯有搭車返札幌搵食

回到札幌, 搭地鐘去狸小路, 地鐵好多人好逼啊! 在北海道4天, 就是這一刻見到最多人...我也不知道為什麼, 我們所到之處都是極寧靜的無人之地...

到了狸小路, 不僅下雨, 還落起了大雪...不就是雨夾雪嗎?

幸好狸小路是有蓋的商店街, 可以很安心地逛。可是, 八點鐘, 大部份店都已關了門...日本人真是懂得享受生活...

夜晚的狸小路有多人在唱歌表演, 圖中那個人知道我在拍照, 特意在擺POST....

狸小路分為6段, 所有商店的門都有不同圖案, 很有特色。單單欣賞這些已足夠了...

入了一間藥房, 想不到當地的產品這麼有趣....

入左個類似冒險樂園的地方, 隨處可以見到它...它在日本無處不在! 很受歡迎

逛完狸小路便回札幌 JR站搵食

在札幌的最後一夜, 我們忍不住再次光臨昨晚那間壽司店。再吃一次依然覺得好好味!